ಗ್ಯಾಜೆಟ್ಸ್ ತಯಾರಿಕಾ ಕಂಪನಿ ಜೆಬ್ರಾನಿಕ್ಸ್ ಹೊರತಂದಿರುವ ಬ್ಲೂಟೂತ್ ಹೆಡ್‌ಸೆಟ್‌ನ BE380T ಮಾಡೆಲ್ ಹೇಗಿದೆ? ನೋಡೋಣ.
ವೈರ್ ಇರುವ ಇಯರ್ ಫೋನ್ ಅಥವಾ ಹೆಡ್ ಫೋನ್‌ಗಳನ್ನು ಈ ಬ್ಲೂಟೂತ್ ಮಾಡ್ಯೂಲ್‌ಗೆ ಸಿಕ್ಕಿಸಿ, ನಿಮ್ಮ ಸ್ಮಾರ್ಟ್ ಫೋನ್‌ನಿಂದ ಹಾಡನ್ನು ಆನಂದಿಸಬಹುದು. ಮಾಡ್ಯೂಲ್ (ಅಡಾಪ್ಟರ್) ಜತೆಗೆ ಇಯರ್ ಫೋನ್ ಕೂಡ ಇರುತ್ತದೆಯಾದರೂ, ನಮ್ಮಲ್ಲಿರಬಹುದಾದ ಹೆಚ್ಚು ಗುಣಮಟ್ಟದ ಇಯರ್‌ಫೋನನ್ನು ಈ ಮಾಡ್ಯೂಲ್‌ಗೆ ಅಳವಡಿಸಿ, ವೈರ್‌ಲೆಸ್ ವೈಶಿಷ್ಟ್ಯವನ್ನು ನಾವು ಬಳಸಿಕೊಳ್ಳಬಹುದಾಗಿದೆ.
ಸೆಟ್ ಜತೆಗೇ ಬಂದಿರುವ 3.5 ಮಿಮೀ ಜ್ಯಾಕ್ ಹೊಂದಿರುವ ಇಯರ್ ಫೋನ್ ಬಳಸಿದರೆ, ಅದರ ವೈರು ಸ್ವಲ್ಪ ಗಿಡ್ಡ ಅನ್ನಿಸಿದವರು ಈ ಮೇಲಿನಂತೆ ಮಾಡಬಹುದು.
ಉಪಯೋಗ: ವಾಹನ ಚಲಾಯಿಸುತ್ತಿರುವಾಗ ಕರೆ ಸ್ವೀಕರಿಸಲು, ಹಾಡು ಕೇಳಲು, ಅದರ ವಾಲ್ಯೂಮ್ ಹೆಚ್ಚು-ಕಡಿಮೆ ಮಾಡಲು ಇದು ಉಪಯುಕ್ತ. ಅದಕ್ಕಿಂತಲೂ ಹೆಚ್ಚಿನ ಫಂಕ್ಷನ್ ಎಂದರೆ, ಈ ಮಾಡ್ಯೂಲ್ ಒಳಗೆ ಮೈಕ್ರೋ ಎಸ್‌ಡಿ ಕಾರ್ಡ್ (ಮೆಮೊರಿ ಕಾರ್ಡ್) ಅಳವಡಿಸುವ ವ್ಯವಸ್ಥೆಯಿದೆ. ಹೀಗಾಗಿ ಹಾಡು ಕೇಳಲು ಮೊಬೈಲ್ ಬೇಕಾಗಿಲ್ಲ. ಮೆಮೊರಿ ಕಾರ್ಡ್ ಹಾಕಿ ಅಲ್ಲಿಂದಲೂ ಪ್ಲೇ ಮಾಡಿ ಕೇಳಬಹುದು.
ಇದರಲ್ಲಿ ವಾಲ್ಯೂಮ್ ಹೆಚ್ಚು ಅಥವಾ ಕಡಿಮೆ ಮಾಡುವ ಬಟನ್‌ಗಳಿವೆ. ಇದನ್ನು ಒಮ್ಮೆ ಒತ್ತಿದರೆ ಹಿಂದಿನ ಅಥವಾ ಮುಂದಿನ ಹಾಡು ಪ್ಲೇ ಆಗುತ್ತದೆ. ಫಂಕ್ಷನ್ ಬಟನ್ ಮೂಲಕ ಕರೆಯನ್ನು ಒಮ್ಮೆ ಒತ್ತಿದರೆ ಸ್ವೀಕರಿಸಬಹುದು, ಒತ್ತಿ ಹಿಡಿದುಕೊಂಡರೆ, ಕರೆಯನ್ನು ತಿರಸ್ಕರಿಸಬಹುದು.
ಅಡಾಪ್ಟರ್‌ನಲ್ಲಿ ಕ್ಲಿಪ್ ಇರುವುದರಿಂದ ಶರ್ಟಿಗೆ ಅಥವಾ ಜೇಬಿಗೆ ಸಿಲುಕಿಸಿಕೊಳ್ಳಬಹುದು. ಮೈಕ್ ಇರುವುದರಿಂದ ಇದರ ಮೂಲಕವೇ ಮಾತನಾಡಬಹುದು.
ಕೇವಲ 20 ಗ್ರಾಂ ತೂಕವುಳ್ಳ ಇದು, ಜತೆಗೆ ಕೊಂಡೊಯ್ಯಲು ಸುಲಭ. ಒಮ್ಮೆ ಚಾರ್ಜ್ ಮಾಡಿದರೆ ಸತತವಾಗಿ ನಾಲ್ಕೈದು ಗಂಟೆಗಳ ಕಾಲ ಹಾಡು ಕೇಳಬಲ್ಲಷ್ಟು ಅಂದರೆ 140mAh ಬ್ಯಾಟರಿ ಇದೆ. ಇದೇ ಬ್ಯಾಟರಿಯಲ್ಲಿ ಆರೇಳು ಗಂಟೆ ಮಾತನಾಡಬಹುದು. ಸ್ಟ್ಯಾಂಡ್‌ಬೈ ಸಮಯ 10 ಗಂಟೆ.
ಬೆಲೆ: 999 ರೂ.
ಪ್ರಿಯ ಸ್ಮಾರ್ಟ್‌ಫೋನ್ ಬ್ರಾಂಡ್ ಆಗಿರುವ ರಿಯಲ್‌ಮಿ, ನಾರ್ಜೋ 70 ಟರ್ಬೊ 5 ಜಿ ಮತ್ತು ರಿಯಲ್‌ಮಿ ಬಡ್ಸ್ ಎನ್ 1…
ಮಕ್ಕಳ ಓದುವಿಕೆ ಮತ್ತು ಪ್ರಾರಂಭಿಕ ಕಲಿಕೆಗೆ ಉತ್ತೇಜನಕ್ಕಾಗಿ ರೀಡ್-ಅ-ಥಾನ್.
ಭಾರತೀಯ ಯುವಜನರಲ್ಲಿ ಅತ್ಯಂತ ಜನಪ್ರಿಯ ಸ್ಮಾರ್ಟ್ ಫೋನ್ ಬ್ರಾಂಡ್ ಆಗಿರುವ ರಿಯಲ್ ಮಿ ಬಹುನಿರೀಕ್ಷಿತ ರಿಯಲ್ ಮಿ 13 ಸೀರಿಸ್…
Fact Check ಎಂಬುದು ಈಗಿನ ತನಿಖಾ ಪತ್ರಿಕೋದ್ಯಮ. ಏನು, ಹೇಗೆ ಎತ್ತ ಎಂಬ ಮಾಹಿತಿ ಇಲ್ಲಿದೆ.
ಹಾಡುಗಾರಿಕೆ, ಚೆಂಡೆ-ಮದ್ದಳೆಯ ಬಿಡಿತ-ಮುಕ್ತಾಯಗಳ ಬಳಿಕ, ಬಂದಿದ್ದ ಗಣ್ಯರು, ಒಂದೊಂದು ಹಾಡಿನಲ್ಲಿ ಅಡಕವಾಗಿರುವ ಮಂತ್ರ ಮಾಂಗಲ್ಯದ ಪ್ರತಿಜ್ಞಾಗುಚ್ಛವನ್ನು ವಿವರಿಸಿ, ವಧು-ವರರಿಗೆ ಬೋಧಿಸಿದರು
ಮುದ್ದಣನ ಕುಮಾರ ವಿಜಯದ ಸುಮಾರು 700ರಷ್ಟಿರುವ ಹಾಡುಗಳನ್ನು ಹಾಡಿದ್ದು ತೆಂಕು ತಿಟ್ಟಿನ ಬಲಿಪ ಶೈಲಿಯ ಪ್ರತಿಪಾದಕ ಭಾಗವತರೇ. ಏಳೆಂಟು ವರ್ಷಗಳ…