ಸ್ಮಾರ್ಟ್ ಫೋನ್ ಬಂದಾಗಿನಿಂದ ಕನ್ನಡಕಧಾರಿಗಳ ಸಂಖ್ಯೆ ಹೆಚ್ಚಾಗುತ್ತಿದೆ ಎಂಬುದು ಬಹುಶಃ ಎಲ್ಲರ ಗಮನಕ್ಕೆ ಬಂದಿರಬಹುದು. ಮಕ್ಕಳು ಸಣ್ಣ ವಯಸ್ಸಿನಲ್ಲೇ ಅವಿರತವಾಗಿ ಗೇಮ್ಸ್ ಆಡುತ್ತಾ ಫೋನ್ ಸ್ಕ್ರೀನ್ನ ಬೆಳಕಿಗೆ ಕಣ್ಣನ್ನು ಹೆಚ್ಚು ಹೊತ್ತು ಒಡ್ಡುವುದರಿಂದ ಕಣ್ಣಿಗೆ ಹಾನಿಯಾಗುವುದು ಸಾಕಷ್ಟು ಸಂಶೋಧನೆಗಳಿಂದ ದೃಢಪಟ್ಟಿದೆ. ಇದಕ್ಕೆ ಕಾರಣ, ಸ್ಕ್ರೀನ್ನಿಂದ ಹೊರ ಸೂಸುವ ಬ್ಲೂ ರೇ ಅಥವಾ ನೀಲ ಕಿರಣಗಳು. ಕಣ್ಣುಗಳಿಗೆ ಒಂದಿಷ್ಟಾದರೂ ರಕ್ಷಣೆ ನೀಡಲೆಂದು ಹೆಚ್ಚಿನ ಫೋನ್ ತಯಾರಿಕಾ ಕಂಪನಿಗಳು ಈಗ ವ್ಯವಸ್ಥೆ ಮಾಡಿಕೊಂಡಿವೆ. ಅದನ್ನು ಬಳಸಿಕೊಳ್ಳಿ. ಫೋನ್ನ ಸೆಟ್ಟಿಂಗ್ಸ್ ಮೆನುವಿನಲ್ಲಿ ಡಿಸ್ಪ್ಲೇ ಎಂಬಲ್ಲಿಗೆ ಹೋಗಿ ನೋಡಿದರೆ, ಅಡಾಪ್ಟಿವ್ ಬ್ರೈಟ್ನೆಸ್, ಆಟೋ ಬ್ರೈಟ್ನೆಸ್ ಅಥವಾ ಇದೇ ಅರ್ಥ ಬರುವ ಬೇರೆ ಯಾವುದಾದರೂ ಹೆಸರಿನ ಒಂದು ಮೆನು ಇರುತ್ತದೆ (ಫೋನ್ ಬ್ರ್ಯಾಂಡ್ಗೆ ಅನುಸಾರವಾಗಿ ಹೆಸರು ಬದಲಾವಣೆ ಇರಬಹುದು.) ಅದನ್ನು ಆನ್ ಮಾಡಿಟ್ಟುಕೊಳ್ಳಿ. ಕಣ್ಣುಗಳನ್ನು ರಕ್ಷಿಸಿಕೊಳ್ಳಿ.
ಇವನ್ನೂ ನೋಡಿ
26/11: ಉಗ್ರ ಕಸಬ್ ಕೈಗೆ ಸಿಗದೇಹೋಗಿದ್ದಿದ್ದರೆ?
ಸರಿಯಾಗಿ ಒಂದು ವರ್ಷದ ಹಿಂದೆ, ಏನೋ ಪಟಾಕಿ ಸಿಡಿದಿರಬೇಕು ಅಥವಾ ಅಗ್ನಿ ಆಕಸ್ಮಿಕ ಸಂಭವಿಸಿರಬೇಕು ಇಲ್ಲವೇ ಗ್ಯಾಂಗ್ ವಾರ್ ನಡೆಯುತ್ತಿರಬೇಕು ಎಂಬಂತೆ ಆರಂಭದಲ್ಲಿ ಶಂಕೆ ಹುಟ್ಟಿಸಿದ್ದ ಘಟನೆಯೊಂದು ಬೃಹತ್ತಾಗಿ ಬೆಳೆದು ಭಾರತದ ಸಾರ್ವಭೌಮತೆಗೇ...