ಜಿಮೇಲ್ ಬಳಸುವವರಿಗೆ ಈ ವಿಷಯ ಗೊತ್ತಿರಲಿ. ಯಾವುದೋ ಒಂದು ಮೇಲ್ ಕಳುಹಿಸಿರುತ್ತೀರಿ. ಕಳುಹಿಸಿದ ತಕ್ಷಣ, ಅದು ಅವರಿಗೆ ಕಳುಹಿಸಬಾರದಾಗಿತ್ತು ಎಂದೋ, ಅದರಲ್ಲಿ ಅಕ್ಷರ ತಪ್ಪು ಸರಿಪಡಿಸಬೇಕು ಎಂದೋ, ವಾಕ್ಯ ಸೇರಿಸಬೇಕು ಅಂತಲೋ ಅಥವಾ ಬರೆದುದು ತಪ್ಪಾಯಿತು ಅಂತಲೋ ಅರಿವಿಗೆ ಬಂದರೆ, ಕಳುಹಿಸಿದ ಸಂದೇಶವನ್ನು, ಅವರಿಗೆ ತಲುಪುವ ಮುನ್ನವೇ ವಾಪಸ್ ಕರೆಸಿಕೊಳ್ಳುವ ಆಯ್ಕೆಯೊಂದಿದೆ. ಅದುವೇ ಅನ್ಡು (Undo). ಮೇಲ್ ಕಳುಹಿಸಿದಾಕ್ಷಣ, ಮೇಲ್ಭಾಗದಲ್ಲಿ Undo ಅಂತ ಬಟನ್ ಕಾಣಿಸುತ್ತದೆ. 30 ಸೆಕೆಂಡುವರೆಗೆ ಇದು ಕಾಣಿಸುವಂತೆ ಮಾಡಬಹುದು. ಇದಕ್ಕಾಗಿ, ಜಿಮೇಲ್ ಸೆಟ್ಟಿಂಗ್ಸ್ನಲ್ಲಿ (ಗಿಯರ್ ಐಕಾನ್) ‘ಜನರಲ್’ ವಿಭಾಗದಲ್ಲಿ, Undo Send ಅಂತ ಇರುವಲ್ಲಿ 30 ಸೆಕೆಂಡು ಆಯ್ಕೆ ಮಾಡಿಕೊಂಡು, ನಂತರ ಕೆಳಗೆ ‘ಸೇವ್ ಚೇಂಜಸ್’ ಕ್ಲಿಕ್ ಮಾಡಿದರಾಯಿತು.
ಇವನ್ನೂ ನೋಡಿ
ಎಟಿಎಂ ಸ್ಕಿಮ್ಮಿಂಗ್ ವಂಚನೆ: ಸುರಕ್ಷಿತವಾಗಿರಲು ಇಲ್ಲಿವೆ ಟಿಪ್ಸ್
ಕಳೆದ ತಿಂಗಳಾಂತ್ಯದಲ್ಲಿ ಎಟಿಎಂ ಸ್ಕಿಮ್ಮರ್ಗಳಿಂದಾಗಿ ಹಲವಾರು ಮಂದಿ ಲಕ್ಷಾಂತರ ರೂಪಾಯಿ ಕಳೆದುಕೊಂಡಿರುವ ಸುದ್ದಿಯೊಂದಿಗೆ, ಇದರಲ್ಲಿ ಸಕ್ರಿಯವಾಗಿದ್ದ ನೈಜೀರಿಯಾ ಗ್ಯಾಂಗನ್ನು ಬಂಧಿಸಿರುವುದೂ ಸದ್ದು ಮಾಡಿತ್ತು. ಬೆಂಗಳೂರು, ಮೈಸೂರು, ರಾಮನಗರ, ಚಿತ್ರದುರ್ಗದಲ್ಲಿ ಈ ಗ್ಯಾಂಗ್ ಸಕ್ರಿಯವಾಗಿತ್ತು....