ಯಾರೋ ಒತ್ತಾಯಪಟ್ಟು ನಿರ್ದಿಷ್ಟ ವಾಟ್ಸ್ಆ್ಯಪ್ ಗ್ರೂಪಿಗೆ ನಿಮ್ಮನ್ನು ಸೇರಿಸಿದ್ದಾರೆ. ನಿಮಗಿಷ್ಟವಿಲ್ಲದ ಗುಡ್ಮಾರ್ನಿಂಗ್, ಗುಡ್ನೈಟ್ ಹಾಗೂ ಖಚಿತವಲ್ಲದ ಫಾರ್ವರ್ಡ್ ಮೆಸೇಜುಗಳೇ ಅದರಲ್ಲಿ ಹರಿದಾಡುತ್ತವೆ ಹೊರತು, ಉಪಯೋಗಕ್ಕಿಲ್ಲ. ಹೊರಬರುವಂತಿಲ್ಲ, ದಾಕ್ಷಿಣ್ಯ. ಇಂತಹಾ ಪರಿಸ್ಥಿತಿಯಲ್ಲಿ ಸಿಲುಕಿದ್ದೀರಾ? ವಾಟ್ಸ್ಆ್ಯಪ್ ಇದಕ್ಕೆ ಸುಲಭ ಪರಿಹಾರ ಕೊಟ್ಟಿದೆ. ಮ್ಯೂಟ್ ಮಾಡಿಬಿಡಿ. ಹೇಗಂತೀರಾ? ವಾಟ್ಸ್ಆ್ಯಪ್ ತೆರೆಯಿರಿ. ನಿಮಗಿಷ್ಟವಿಲ್ಲದ ಗ್ರೂಪನ್ನು ಒತ್ತಿ ಹಿಡಿಯಿರಿ. ಮೇಲೆ ಅಡ್ಡಗೆರೆ ಹಾಕಿದ ಧ್ವನಿವರ್ಧಕದ ಐಕಾನ್ ಕಾಣಿಸುತ್ತದೆ. ಅದನ್ನು ಒತ್ತಿರಿ. ಎಷ್ಟು ಸಮಯ (8 ಗಂಟೆ, ಒಂದು ವಾರ, ಒಂದು ವರ್ಷ) ಮ್ಯೂಟ್ ಮಾಡಬೇಕೆಂದು ಆಯ್ಕೆ ಮಾಡಿಕೊಳ್ಳಿ. ಆ ಗ್ರೂಪಿನಿಂದ ಬರುವ ಯಾವುದೇ ನೋಟಿಫಿಕೇಶನ್ಗಳು ನಿಮಗೆ ಸದ್ದು ಮಾಡುವುದಿಲ್ಲ. ಸದ್ದು ಬೇಡ, ಆದರೆ ನೋಟಿಫಿಕೇಶನ್ ಕಾಣಿಸಲಿ ಎಂದಾದರೆ, ಕೆಳಗಿರುವ ಚೆಕ್ ಮಾರ್ಕ್ ಮೇಲೆ ಟಿಕ್ ಗುರುತು ಹಾಕಿ.
ಇವನ್ನೂ ನೋಡಿ
ಸ್ವಚ್ಛಗಾಳಿ, ತೇವಾಂಶ, ತಾಪಮಾನ ನಿಯಂತ್ರಣಕ್ಕೆ ನೆರವಾಗುವ ಶಾರ್ಪ್ ಏರ್ ಪ್ಯೂರಿಫಯರ್
ಮನುಷ್ಯನಿಗೆ ಅನ್ನ, ಆಹಾರದ ಸ್ವಚ್ಛತೆ ಎಷ್ಟು ಮುಖ್ಯವೋ, ಉಸಿರಾಡುವ ಗಾಳಿಯೂ ಅಷ್ಟೇ ಸ್ವಚ್ಛವಾಗಿರುವುದು ಅತಿ ಮುಖ್ಯ ಎಂಬುದು ಇತ್ತೀಚಿನ ವಾಯುಮಾಲಿನ್ಯ ಸಂಬಂಧಿತ ಕಾಯಿಲೆಗಳ ಹೆಚ್ಚಳದಿಂದಾಗಿ ನಿಧಾನವಾಗಿಯಾದರೂ ಅರಿವಿಗೆ ಬರುತ್ತಿದೆ.