ಒಂದೇ ಫೋನ್‌ನಲ್ಲಿ ಎರಡು WhatsApp ಖಾತೆ ಬಳಸುವುದು ಹೇಗೆ?

ಅವಳಿ ಸಿಮ್ ಕಾರ್ಡ್ ಬೆಂಬಲಿಸುವ ಫೋನ್‌ಗಳ ಈ ಕಾಲದಲ್ಲಿ ಬಹುತೇಕರು ಇಂದು ಎರಡೆರಡು ಮೊಬೈಲ್ ಫೋನ್ ನಂಬರ್‌ಗಳನ್ನು (ಸಿಮ್ ಕಾರ್ಡ್) ಹೊಂದಿರುತ್ತಾರೆ. ಒಂದನ್ನು ಕಚೇರಿ ಅಥವಾ ಉದ್ಯಮಕ್ಕೆ ಸಂಬಂಧಿಸಿದಂತೆಯೂ, ಮತ್ತೊಂದನ್ನು ವೈಯಕ್ತಿಕ ಬಳಕೆಗೂ ಉಪಯೋಗಿಸುವುದು ಸಾಮಾನ್ಯ. ಅದಕ್ಕೆ ತಕ್ಕಂತೆ ಕೆಲವರಿಗೆ ಎರಡೆರಡು WhatsApp ಖಾತೆಗಳನ್ನು ತೆರೆಯುವುದು ಅನಿವಾರ್ಯ. ಎರಡನ್ನೂ ನಿಭಾಯಿಸಬೇಕಿದ್ದರೆ ಇದುವರೆಗೆ ಸಾಕಷ್ಟು ಕಸರತ್ತು ಮಾಡಬೇಕಾಗುತ್ತಿತ್ತು ಅಥವಾ ಎರಡೆರಡು ಫೋನ್‌ಗಳಲ್ಲೇ ಒಯ್ಯಬೇಕಾಗುತ್ತಿತ್ತು.

ಆದರೆ, ಕಳೆದ ಅಕ್ಟೋಬರ್ 19ರಂದು ಮೆಟಾ ಒಡೆತನದ ವಾಟ್ಸ್ಆ್ಯಪ್ ಸಂಸ್ಥೆಯೇ ತನ್ನ ಆ್ಯಪ್‌ಗೆ ಹೊಸ ಅಪ್‌ಡೇಟ್ ನೀಡಿದ್ದು, ಎರಡು ವಾಟ್ಸ್ಆ್ಯಪ್ ಖಾತೆಗಳನ್ನು ಏಕಕಾಲದಲ್ಲಿ ನಿಭಾಯಿಸಲು ಅನುವು ಮಾಡಿಕೊಟ್ಟಿದೆ. ಅಂದರೆ ಎರಡೂ ಖಾತೆಗಳನ್ನು ಒಂದೇ ಫೋನ್‌ನಲ್ಲಿರುವ ಒಂದೇ ಆ್ಯಪ್‌ನಿಂದ ನಿಭಾಯಿಸಬಹುದು. ಅದು ಹೇಗೆ ಮತ್ತು ಇದರ ಬದಲಾಗಿ ಇರುವ ಬೇರೆ ಆಯ್ಕೆಗಳೇನು ಎಂಬ ಮಾಹಿತಿ ಇಲ್ಲಿದೆ.

ಒಂದೇ ಆ್ಯಪ್, ಎರಡು ಖಾತೆ: ಬಳಸುವುದು ಹೇಗೆ
ಈ ವ್ಯವಸ್ಥೆ ಈಗಾಗಲೇ ಇನ್‌ಸ್ಟಾಗ್ರಾಂ ಹಾಗೂ ಎಕ್ಸ್‌ನಲ್ಲಿ (ಹಿಂದಿನ ಟ್ವಿಟರ್ನಲ್ಲಿ) ಇದೆ ಎಂಬುದು ಹೆಚ್ಚಿನವರಿಗೆ ತಿಳಿದಿಲ್ಲ. ಖಾತೆ ಬದಲಾಯಿಸಿಕೊಳ್ಳುವ (Switch Accounts) ಒಂದು ಬಟನ್ ಒತ್ತಿದರೆ, ಯಾವ ಖಾತೆಗೆ ಬೇಕೋ, ಅದನ್ನು ಬಳಸಬಹುದು.

  • ವಾಟ್ಸ್ಆ್ಯಪ್ ಇತ್ತೀಚಿನ ಆವೃತ್ತಿಗೆ ಅಪ್‌ಡೇಟ್ ಆಗಿರುವಂತೆ ನೋಡಿಕೊಳ್ಳಿ
  • ಫೋನ್‌ನಲ್ಲಿ ವಾಟ್ಸ್ಆ್ಯಪ್ ತೆರೆಯಿರಿ
  • ಬಲ ಮೇಲ್ಭಾಗದಲ್ಲಿ ಮೂರು ಲಂಬ ಚುಕ್ಕಿಗಳಿರುವಲ್ಲಿ ಒತ್ತಿ ಸೆಟ್ಟಿಂಗ್ಸ್ ತೆರೆಯಿರಿ
  • ಸ್ವಲ್ಪ ಕೆಳಗೆ ನೋಡಿದಾಗ ಕಾಣಿಸುವ ‘ಅಕೌಂಟ್ಸ್’ ಒತ್ತಿ
  • ‘Add Account’ ಕ್ಲಿಕ್ ಮಾಡಿ, ಮುಂದಿನ ಬಟನ್‌ನಲ್ಲಿ ಅನುಮತಿ ನೀಡಿ.
  • ನಂತರ ನಿಮ್ಮ ಫೋನ್ ನಂಬರ್ ನಮೂದಿಸಿ, ‘ನೆಕ್ಸ್ಟ್’ ಒತ್ತಿ
  • ಸ್ಕ್ರೀನ್ ಮೇಲೆ ಮುಂದಿನ ಸೂಚನೆಗಳನ್ನು ಅನುಸರಿಸಿ

ಬೇರೊಂದು ಖಾತೆಯ ಸಂದೇಶಗಳನ್ನು ನೋಡುವುದು ಹೇಗೆ?
ಸಂದೇಶ ಬಂದಾಗ ಯಾವ ಸಂಖ್ಯೆಗೆ ಸಂದೇಶ ಬಂತು ಎಂಬುದನ್ನು ನೋಟಿಫಿಕೇಶನ್‌ನಲ್ಲೇ ಆ್ಯಪ್ ತೋರಿಸುತ್ತದೆ. ಆದರೆ ಎರಡೂ ವಾಟ್ಸ್ಆ್ಯಪ್ ಖಾತೆಗಳಿಗೆ ನೀವು ನೋಟಿಫಿಕೇಶನ್ ಧ್ವನಿಯನ್ನು ಬೇರೆ ಬೇರೆ ಹೊಂದಿಸಿಟ್ಟರೆ, ಯಾವುದರಿಂದ ಸಂದೇಶ ಬಂತು ಎಂಬುದನ್ನು ಫೋನ್ ನೋಡದೆಯೇ ತಿಳಿಯುವುದು ಸಾಧ್ಯ. ನೋಟಿಫಿಕೇಶನ್ ಸ್ಪರ್ಶಿಸಿದ ತಕ್ಷಣ ನೀವು ಆಯಾ ಖಾತೆಯ ವಾಟ್ಸ್ಆ್ಯಪ್‌ಗೇ ನೇರವಾಗಿ ಹೋಗಬಹುದು. ಇಲ್ಲವೆಂದಾದರೆ, ಈಗಾಗಲೇ ತೆರೆದಿರುವ ವಾಟ್ಸ್ಆ್ಯಪ್‌ನಲ್ಲಿ ಹಿಂದೆ ಹೇಳಿದಂತೆ ಸೆಟ್ಟಿಂಗ್ಸ್‌ಗೆ ಹೋದರೆ, ಅಲ್ಲೇ ಕೆಳಗೆ ‘Switch Accounts’ ಎಂಬ ಆಯ್ಕೆ ಗೋಚರಿಸುತ್ತದೆ. ಅದನ್ನು ಬಳಸಿ ಮುಂದುವರಿಸಬಹುದು.

ಈ ರೀತಿ ಮಾಡಿದರೆ, ಕೇವಲ ವಾಟ್ಸ್ಆ್ಯಪ್‌ಗಾಗಿ ಎರಡೆರಡು ಮೊಬೈಲ್ ಫೋನ್‌ಗಳನ್ನು ಒಯ್ಯುವ ಅಗತ್ಯವಿರುವುದಿಲ್ಲ.

WhatsApp ಕ್ಲೋನ್ ಅಥವಾ ಟ್ವಿನ್ ಆ್ಯಪ್
ವಾಟ್ಸ್ಆ್ಯಪ್ ಈ ಅವಳಿ ಖಾತೆಯ ಹೊಸ ವೈಶಿಷ್ಟ್ಯ ಪರಿಚಯಿಸುವ ಮುನ್ನವೇ ಸಾಕಷ್ಟು ಮೊಬೈಲ್ ಫೋನ್ ತಯಾರಿಕಾ ಕಂಪನಿಗಳು ಕ್ಲೋನ್, ಡುಪ್ಲಿಕೇಟ್, ಪ್ಯಾರಲಲ್ ಅಥವಾ ಟ್ವಿನ್ – ಇತ್ಯಾದಿ ಹೆಸರುಗಳಲ್ಲಿ (ಫೋನ್ ಬ್ರ್ಯಾಂಡ್‌ಗಳಲ್ಲಿ ಬೇರೆ ಬೇರೆ ಹೆಸರು) ಪ್ರಮುಖ ಸಾಮಾಜಿಕ ಜಾಲತಾಣಗಳ ಮತ್ತೊಂದು ಆ್ಯಪ್ ಅನ್ನು ಅಳವಡಿಸಲು ಅನುಕೂಲ ಕಲ್ಪಿಸಿದ್ದವು. ಅದಕ್ಕೆ ಪ್ರತ್ಯೇಕವಾಗಿ ಆ್ಯಪ್ ಇನ್‌ಸ್ಟಾಲ್ ಆಗುತ್ತಿತ್ತು. ನಿಮ್ಮ ಫೋನ್‌ನಲ್ಲೂ ಇದೆಯೇ ಎಂದು ಸೆಟ್ಟಿಂಗ್ಸ್‌ನಲ್ಲಿರುವ ಸ್ಪೆಶಲ್ ಫಂಕ್ಷನ್, ಯುಟಿಲಿಟಿ, ಹೆಚ್ಚುವರಿ ಫಕ್ಷನ್ – ಮುಂತಾದ ಆಯ್ಕೆಗಳಲ್ಲಿ ಹುಡುಕಿದರೆ ತಿಳಿಯಬಹುದು (ವಿವಿಧ ಫೋನ್ ಕಂಪನಿಗಳಲ್ಲಿ ಒಂದೊಂದು ಹೆಸರಿರಬಹುದು).

ಇದಲ್ಲದೆ, ಒಂದು ವಾಟ್ಸ್ಆ್ಯಪ್ ಖಾತೆಯನ್ನು ಒಂದು ಮೊಬೈಲ್ ಫೋನ್ ಹಾಗೂ ಇತರ ಮೂರು ಸಾಧನಗಳಲ್ಲಿ Web.WhatsApp.com ಮೂಲಕ (ಕಂಪ್ಯೂಟರ್/ಲ್ಯಾಪ್‌ಟಾಪ್) – ಏಕಕಾಲಕ್ಕೆ ನಾಲ್ಕು ಕಡೆ ಬಳಸುವ ಆಯ್ಕೆ ಈಗಾಗಲೇ ಇದೆ. ವಾಟ್ಸ್ಆ್ಯಪ್ ಸೆಟ್ಟಿಂಗ್ಸ್‌ನಲ್ಲಿರುವ Link A Device ಆಯ್ಕೆಯ ಮೂಲಕ ಇದರ ಉಪಯೋಗ ಪಡೆದುಕೊಳ್ಳಬಹುದು.

Tech Tips by Avinash B, published in Prajavani on 20 Dec 2023

Avinash B

Avinash B. Tech Writer, Columnist, Working as Online media Journalist for more than two decades. Passionate about Technology and Gadgets. Yakshagana and Music are passion.

Recent Posts

AI Images: Text ಬಳಸಿ ಚಿತ್ರ ತಯಾರಿಸುವುದು ಹೇಗೆ?

AI Images: ನಮ್ಮ ಕಲ್ಪನೆಯನ್ನು ಎಐ ಎಂಜಿನ್‌ಗೆ ಟೆಕ್ಸ್ಟ್ (ಪಠ್ಯ) ಮೂಲಕ ಊಡಿಸಿದರೆ ಸಾಕು, ಕ್ಷಣ ಮಾತ್ರದಲ್ಲಿ ನೀವಂದುಕೊಂಡ ಚಿತ್ರವೊಂದು…

5 months ago

ಬ್ರಾಡ್‌ಬ್ಯಾಂಡ್ ವೇಗ: ಎಂಬಿಪಿಎಸ್ ಎಂದರೆ ಏನು? ನೀವು ಯಾಮಾರುವುದು ಎಲ್ಲಿ?

ಹಾರ್ಡ್ ಡ್ರೈವ್ ಅಥವಾ ಸ್ಟೋರೇಜ್ ಡ್ರೈವ್‌ಗಳಲ್ಲಿರುವ ಫೈಲ್‌ಗಳ ವಿನಿಮಯದ ಸಂದರ್ಭದಲ್ಲಿ ಬಳಸುವುದು ಮೆಗಾಬೈಟ್ಸ್ ಎಂಬ ಪ್ರಮಾಣವನ್ನು. ಇಂಟರ್ನೆಟ್ ವೇಗವನ್ನು ಅಳೆಯುವುದು…

6 months ago

Apple iPhone 15 Plus Review: ಪ್ರೊ ಮಾದರಿಗಳ ವೈಶಿಷ್ಟ್ಯವಿರುವ ಐಫೋನ್ 15 ಪ್ಲಸ್

Apple iPhone 15 Plus Review: ಲೈಟ್ನಿಂಗ್ ಪೋರ್ಟ್ ಬದಲು ಟೈಪ್ ಸಿ ಚಾರ್ಜಿಂಗ್ ಪೋರ್ಟ್, ಡೈನಮಿಕ್ ಐಲೆಂಡ್, ಹೊಸ…

6 months ago

Type in Kannada: ಐಫೋನ್, ಆಂಡ್ರಾಯ್ಡ್ ಫೋನ್‌ಗಳಲ್ಲಿ ಕನ್ನಡ ಟೈಪಿಂಗ್ ಈಗ ಮತ್ತಷ್ಟು ಸುಲಭ

Type in Kannada: ಗೂಗಲ್‌ನ ಆಂಡ್ರಾಯ್ಡ್ ಹಾಗೂ ಆ್ಯಪಲ್‌ನ ಐಫೋನ್ ಸ್ಮಾರ್ಟ್‌ಫೋನ್‌ಗಳಲ್ಲಿ ಕನ್ನಡ ಟೈಪಿಂಗ್ ಸುಲಭವಾಗಿಸುವ ಸಾಕಷ್ಟು ಖಾಸಗಿ ಕೀಬೋರ್ಡ್…

7 months ago

iPhone 15 Pro Max Review: ಗೇಮರ್‌ಗಳಿಗೆ ಹಬ್ಬ – ಆ್ಯಪಲ್‌ನ ಶಕ್ತಿಶಾಲಿ, ಐಷಾರಾಮಿ ಸಾಧನ

iPhone 15 Pro Max Review: ವಿನೂತನವಾದ ಟೈಟಾನಿಯಂ ಚೌಕಟ್ಟು ಐಷಾರಾಮದ ಅನುಭವ. ಲೈಟ್ನಿಂಗ್ ಪೋರ್ಟ್ ಬದಲು ಯುಎಸ್‌ಬಿ ಸಿ…

7 months ago

ಒಟಿಪಿ ಇಲ್ಲದೆಯೂ ಬ್ಯಾಂಕ್ ಖಾತೆಗೆ ಕನ್ನ: ತಡೆಯಲು Aadhaar Biometric Lock ಮಾಡಿಕೊಳ್ಳಿ

Aadhaar Biometric Lock ಬಗ್ಗೆ ತಿಳಿಯೋಣ ಬನ್ನಿ. ಒಟಿಪಿ ಇಲ್ಲದೆಯೇ ಹಣ ಹೋಗುವುದನ್ನು ತಡೆಯಲು ನಮ್ಮ ಆಧಾರ್ ಬಯೋಮೆಟ್ರಿಕ್ ವ್ಯವಸ್ಥೆಗೇ…

7 months ago